"Txiokatu zure tesia 6 mezutan" lehiaketan parte hartzeko kontuan hartu behar duzuna

Unibertsitatea.net atariak (@Uninet_ataria) #txiotesia 6 mezutan lehiaketa antolatu du azaroaren 19an.

Egitasmoarekin ikerlari euskaldunek egiten duten lana gizarteratzea lortu nahi dugu eta baita lan horren atzean dauden pertsonei izen-abizenak jartzea.

Lehiaketa Twitter-en egingo da eta azken batean parte hartzaileek lortu behar dutena da tesia ahalik eta era ulergarrienean eta originalenean 6 txiotan azaltzea.

Hona hemen lehiaketan parte hartzeko jakin behar duzun guztia:

• Tesia orain egiten dabiltzan ikerlariei.
• 2011/2013 urte bitartean tesia aurkeztutako ikerlariei.

• Ikerlari euskaldunek egiten duten lana gizarteratzea eta lan horren atzean dauden pertsonei izen-abizenak jartzea.

• Parte hartzeko Twitter kontua izan behar da.
• Tesia 6 mezutan azaldu behar da eta beraz ez dira kontuan hartuko 6 txio baino gutxiago edo gehiago erabilitako ikerlarien parte hartzea .
• Tesia edozein hizkuntzatan landua izan daiteke baina lehiaketan euskara hutsean parte hartu behar da. Txioak euskaraz idatzi behar dira.
• Azaroaren 19an (asteartea) goizeko 09.00-21.00ak bitartean idatzi behar dira txioak. Txioak aldi batean edo tarteka bideratu daitezke baina beti zehaztutako ordutegiaren barruan.
• Txio bakoitza zenbatu egin behar da: 1, 2, ... mezuaren aurretik jarrita.
• Mezuaren amaieran derrigorrez jarri behar da #txiotesia traola.
• Lehenengo mezuan tesiaren izenburua idatzi behar da.
• Azken mezuak tesiaren emaitza, ondorioa edo hipotesia plazaratu behar du.
• Tesiaren zati bati edo proiektu osoari buruz aritzeko aukera dago.
• Testu osagarria edo dokumentu atxikiak ezin dira esteka bidez bideratu.
• Aldiz, audioak, bideoak, irudiak edo bibliografia estekak gehituz eman daitezke.

• Txiokatutako mezuak lehiaketa ondoren bistaratzeko gordeko dira.
• Antolatzaileek gordetako parte hartzaileen txioak gainbegiratuko dituzte arauak bete dituzten edo ez ziurtatzeko.
• Arauak bete dituzten txiolarien mezuak multzokatu egingo dira eta txiolarien izen-abizenak jakinarazi gabe helaraziko zaizkie epaimahaikideei.

• Jakintza alor desberdinetako 5 epaimahaikidek osatuko dute tribunala:
• Lorea Arakistain (@loreaarakistain): Kazetaria, zientziaren komunikazioa lantzen du Elhuyarren.
• Ricardo Gómez (@FiloBlogia): Doktorea, ikertzailea eta irakaslea UPV/EHUko Gasteizko Letren Fakultatean.
• Lore Erriondo (@Erriondo): Doktorea, ikertzailea eta irakaslea UPV/EHUko Donostiako Filosofia eta Hezkuntza Zientzien Fakultatean.
• Txema Egaña (@EgaaTxema): Doktorea, ikertzailea eta irakaslea Mondragon Unibertsitateko Eskoriatzako HUHEZI Fakultatean.
• Jon Mattin Matxain (@TxoniMatxain): Doktorea, ikertzailea eta irakaslea UPV/EHUko Donostiako Kimika Zientzien Fakultatean.

• Epaimahaikideek antolatzaileek helerazitako txio guztiak puntuatuko dituzte eta irabazleak puntuaketa altuena lortuko duten biak izango dira.
• Bi txiolari hautatuko dira:
• Txiolari ulergarriena: 6 mezutan bere ikerketa lana modu borobilenean azaltzeko gai izan den txiolaria.
• Txiolari originalena: 6 mezutan bere ikerketa lana modurik irudimentsuenean zabaldu duen txiolaria.

Sariak:

• Txiolari ulergarriena: 500€
• Txiolari originalena: 300€
• Irabazle biei elkarrizketa egingo zaie Unibertsitatea.net atarian.

Sari banaketa ekitaldia:

• Sari banaketa ekitaldia azaroaren 25ean (astelehena) egingo da eguerdiko 12.00etan Koldo Mitxelena Kulturunean (Donostia).
• Txiolari ulergarriena" eta "Txiolari originalena" nortzuk diren jakinaraziko da bertan, baina lehiaketako parte hartzaile guztien bilgune izan nahi du ekitaldiak.
• Saioa borobiltzeko Koldo Garcia ikerlariaren hitzaldiaz gozatzeko aukera izango dugu: #Kafepintxo batekin ikertzen.
• Koldo Garcia, ikerlari gazte bizkaitarra da eta bere tesia 2010ean defendatu zuen UPV/EHUn: Erretrobirus endogenoen detekzioa eta karakterizazioa behietan eta beste hainbat mamaliotan. UPV/EHUn jarraitzen du ikerketa lanetan eta sarea darabil bere lanak dibulgatzeko, besteak beste @koldotxu twitter kontua eta Edonola.net bloga.
• Zera dio Koldo Garciak berak bere buruaz @koldotxu bere Twitter kontuko profilean: Biologoa. Genetikan doktore. Sukaldean dotore. EHUn ikertzen. Hamaiketakoak, argazkilaritza, zientzia eta sukaldutatakoa maite dudanekin partekatzea gustoko.
• #Kafepintxo batekin ikertzen hitzaldian, ikerlariaren ogibidearen gaineko gogoeta subjetiboa egingo digu Koldok, beti ere kafepintxoa lagun :).

Izaera honetako lehenengo ekimena izango da euskaraz eta lehiaketan parte hartzera edo bere berri ematera animatu nahi zaituztegu! Informazio gehiago nahi izanez gero idatzi ataria@ueu.org helbidera.