Diru Teoria Modernoa hasiberrientzat: Independentzia garairako ekonomia

Aldez aurretik:

Zilegi bekit Axular gogoratzea¹:

“Egun batez, konpaiñia on batean, euskaldunik baizen etzen lekhuan nengoela, ekharri zuen solhasak, izan zen perpausa, etzuela, deusek ere hanbat kalte egiten ekonomiako, eta ez politikako ere, nola egitekoen geroko utzteak, egunetik egunera, biharretik biharrera luzatzeak.”

Konpainia on batean, lagunez inguraturik,… lagun gutxi, gehienak emakumeak, feministak noski.

Hauxe planteatu nien: zer da hobe jadanik egindako hainbat lanekin, atsedentxo bat hartu eta liburuxka berri bat egin ala, hemendik aurrera, hamaika albiste berri etengabe sortuko diren heinean, lantxoak egiten segitzea, (eta UEUko blogean azaltzea)?

Liburuxka martxan zegoen, aspalditik. Hona hemen zirriborro luze baten hasiera:

Diru Teoria Modernoa

hasiberrientzat

Independentzia garairako ekonomia

joseba felix tobar-arbulu

“Any school of thought that is not ‘MMT consistent’ is inapplicable

with regards to any actual economy“

(Warren Mosler, 2013)

Irati eta Garaziri

maitasunez,

gure amaren gomutaz

Sarrera

1. UEUko bloga

2006ko azaroan hasi zen UEUkoen ekonomia bloga, Heterodoxia, Ekonomiaz haratago izenekoa². Hauxe zen nire lehen sarrera blog horretan: Marx hasiberrientzat³.

2011n Finantza Kapitalismo, bi liburuxkatan, argitaratua zen⁴. Finantza sistemak bereganatu egin du ekonomia erreala⁵. Europan esaten den moduan, Finanzkapital uber alles. Sistema berri hori aztertu zen, bera gainditzeko zenbait neurri proposatuz⁶.

2013an Diru Teoria Modernoa. Finantza Ingeniaritza izeneko liburua plazaratua zen⁷. Liburu horretan, aspaldian bezalaxe, dirua zen gaia. Diruaren sormena, maileguak eta kreditua. Bankugintza eta partida biko kontabilitatea. Horretarako, diru teoria modernoa (DTM) erabilia zen: besteak beste, Randall Wray-ren, Stephanie Kelton-en eta Bill Mitchell-en lanak erabiliz. Bereziki Warren Mosler izan zen gidari.

(Warren nire liburuarekin)

Helburua aspalditik izan dudana bera zen. Ezin zen bestela izan: Euskal Herriaren independentzia ekonomikoa eta monetarioa dut helburu, ez besterik. Horretarako, akademian erabiltzen eta ezagutzen diren testuetatik oso urrun ibili nintzen, ortodoxia ekonomikotik erabat aldenduta.

Beste zenbait lanetan egin dudan bezala, eta Euskal Herriko egoera beti presente edukita, liburuan jorratu nituen gure herriaren independentziarako beharrezko diren zenbait proposamen eta neurri.

2013an UEUko Ekonomia Saileko zuzendariak blogaren izena eta izana aldatu zituen. 2013ko udaberritik aurrera honela izendatu da bloga⁸: Heterodoxia, diru teoria modernoa eta finantza ingeniaritza. Hona hemen haren hitzak eta proposamena:

Heterodoxia bloga. Proposamenak:

Bloga Joseba Felix Tobar Arbuluk elikatzen du %100ean. Beraz, ez du zentzurik bloga Ekonomia Sailaren izenean agertzea. Bloga Josebaren izenean agertu behar da. Berea da. Hori bai, UEUko Ekonomia Sailkide bezala agertuko da, beraz, bloga Ekonomia Sailaren produktua izaten jarraituko du. Blogeko aurkezpena (azalpena) eta titulua aldatzea hobesten da: adibidez, tituluaren kasuan, “Heterodoxia, ekonomiaz haratago”, “Heterodoxia, finantza ingeniaritza eta diru teoria modernoa”.

Beste alde batetik, zenbait testu luze Otarrean izeneko UEUko biltokian azaltzen hasi dira. Hauxe izan zen Otarreko nire lehen artikulua: Krisia induzitua izan da⁹.

Halaber, UEUkanala izenekoan¹⁰ hauxe izan da lehen sarrera: Krisia induzitua izan da¹¹.

2. 2013ko udaberritik aurrera

2013ko udaberrian beste urrats batzuk ematen hasi nintzen, beste bide batean abiatu nintzen ildo berriaren gorabeherak aztertu nahian: Diru Teoria Modernoa hasiberrientzat liburu berrirako¹².

Oraingo honetan ere, berriro ere, Warren dut magister¹³, nahiz eta beste DMTkoak ere lagungarri gisa erabili ditudan¹⁴.

Liburuxka berri honetan, sakonean, aspalditik izan dudan helburua berbera dut: Euskal Herriaren independentzia ekonomikoa eta monetarioa.

Liburu berri honetarako, besteak beste, UEUkoen blogeko sarrerak erabiliak izan dira: 2013ko otsailean hasi ziren sarrera horiek¹⁵.

3. Trantsizioa

Lehendabizi, 2011ko Finantza Kapitalismoa zen.

Bigarrenez, 2013ko DTM eta finantza-ingeniaritza izan da.

Hirugarrenez, DTM hasiberrientzat da¹⁶.

Trantsiziorako lehen apurrak:

1. DMTkoek Europaz¹⁷

2. Euskal Herria independentziaranzko bidean¹⁸

3. Ezkerraren izenean¹⁹

4. Lan gabeziaren aurka, lan bermea²⁰

4. Warren Mosler-en ildotik

Esan bezala, Mosler-en lanak erabili ditut²¹, beste DTM-ko batzuen artikuluak ahantzi gabe.

Ikasiko ahal dugu, asko baitago ikasteko.

Gai izango ote gara oraingo egoera eta baldintza ekonomiko, politiko, sozial, kultural berriek eskatzen duten mailara igotzeko?

Egin ditzagun ahaleginak! Saia gaitezen!

Litekeena da!

It is possible!

5. My motto (ene lema)

To know or not to know, that’s the question!

Jakin ala ez jakin, hori da arazoa!

(Shakespeare revisited)

2013ko otsailean hasia

201Xko udaberrian bukatua

Ad Majorem Vasconum Libertatem

donejurgi (joseba felix tobar-arbulu)

Aldez edo moldez:

Hala ere, lagun feministeei kasu eginez, honelako deliberoa hartu nuen joan den astean: lantxo txikiak idazten segitzea (eta UEUko blogean sartzea).

Uste dut eragingarriago izango dela horrela, zeren albisteak eurrez baitatoz. Eta euskaraz, DTMkoen ikuspuntutik, aldez edo moldez, nolabiteko erantzunak eman behar baitira.

Hortaz, 2013ko otsailetik aipatutako delibero hori hartu nuen arte blog honetan jadanik azaldu diren sarrerak eta delibero horretatik aurrera azalduko diren sarrera berriak,

Irati eta Garaziri

maitasunez,

gure amaren gomutaz

eginda izango dira.